Liebi Gäscht

Härzlech Willkomme i mire gluten u laktosefreie Bäckerei u Cafi.

1999 bin ds erscht mou mitem Thema Zöliakie i Verbindig cho, denn woni d Usbildig zum Diätchoch ha gmacht. 2004 mit mim erschte Restaurant in Hettiswil, eis vo de erschte Restaurant wo denn überhoupt het glutenfreis Ässe abote. Ou ir Zyt aus Ernährigsberaterin het mit glutenfreis Ässe immer begleitet. Viu Lüt frage mi oft, wiso machsch du das, du hesch jo gar nid Zöliakie?

Mini Antwort isch de klar: „0815 das cha jo Jede! Mini Lidenschaft isches öpis feins ds zoubere, öpis wo euch Freud macht, ds Läbe versüsst u Gnuss bringt“.

Hüt darfi euch i mire gluten du laktosefreie Bäckerei begrüsse was mi ganz bsunders freut. Im Summer 2019 isch hie useme ehemalige Coiffeursalon die glutenfrei Backstube entstange.

Aui Köstlechkeite si vo mir entwickelt u i viune Stunden mit usprobiere u teschte entstange. Ds Züpferezäpt het öpe 90 Versüech brucht bises so isch gsi wi mers hüt chöi verchoufe. Jedes einzelne Produkt isch früsch u vo Hand gmacht. Mit beschte Produkt, wenn immer müglech us der noche Umgäbig.  Mis Team und ig,  freue üs, euch dörfe mit usschliesslech glutenfrei, laktosefreie u zum Teil vegane Köstlechkeite ds verwöhne.

Lust zum säuber Backen? De freue i mi, Euch i eim vo de glutenfreie Koch -u Backkürs dörfe ds begrüsse.

Gärn gäbe mir Euch Uskunft drzue. E gnussvolli Zyt bi üs ir Bachstube wünsche Euch.

Barbara, Frédéric, Kurt, Kathrin, Jovita